ក្រុមហ៊ុនតាំង គួង ផេ ម.ក និង សាលាអន្តរជាតិ តេច សាស ចុះអនុស្សរណៈយោគយល់ជាដៃគូរ

ក្រុមហ៊ុនតាំង គួង ផេ ម.ក ជាគ្រឹះស្ថានទូទាត់ប្រាក់បែបឌីជីថលទំនើបនៅកម្ពុជា បានចុះអនុស្សរណៈយោគយល់ជាមួយ គ្រឹះស្ថានអប់រំស្តង់ដារអន្តរជាតិនៅកម្ពុជា សាលាអន្តរជាតិ តេច សាស  ស្តីពីការទទួលប្រាក់បែបឌីជីថល តាមរយៈប្រព័ន្ធ ទំនើប Tang Kung Pay APP របស់ក្រុមហ៊ុនតាំង គួង ផេ ម.ក ។ ពិធីចុះហត្ថលេខានេះ ធ្វើឡើងនៅថ្ងៃទី ៣ ខែសីហា ឆ្នាំ២០២២ ដែលមានវត្តមានគណៈគ្រប់គ្រងរបស់ស្ថានប័នទាំង២ចូលរួម។

ដោយស្ថិតនៅលើចក្ខុវិស័យតែមួយនិងគោលដៅតែមួយក្នុងការជំរុញនិងអភិវឌ្ឍន៍សេដ្ឋកិច្ចជាតិ និងធនធានមនុស្ស ដោយកត្តាទាំងពីរនេះជាកត្តាលីករយ៉ាងសំខាន់ក្នុងការជំរុញល្បឿនអភិវឌ្ឍន៍សេដ្ឋកិច្ចកម្ពុជា ហេតុដូច្នេះហើយស្ថានប័នទាំង២បានចូលរួមយ៉ាងសកម្មក្នុងការបង្កើតភាពងាយស្រួលដល់អាណាព្យាបាលក្នុងការធ្វើប្រតិបត្តិការទូទាត់ថ្លៃសិក្សារបស់សិស្សានុសិស្សតាមរយៈ Tang Kung Pay APP ។